पाँच तले भवनमा आगलागी हुँदा दक्षिण अफ्रिकामा ६३ जनाको मृत्यु

एजेन्सी– दक्षिण अफ्रिकाको जोहानसगर्बको सेन्ट्रल बिजेनस डिस्ट्रिक्टस्थित एक पाँच तल्ले भवनमा आगलागी हुँदा कम्तीमा ६३ जनाको मृत्यु भएको छ ।

दक्षिण अफ्रिकाको आर्थिक हब मानिएको क्षेत्रको अविकसित भागमा यो भवन रहेको र यहाँ अनौपचारिक वासस्थानका लागि प्रयोग गरिने गरिएको आपत्कालीन सेवाका प्रवक्ता रोबर्ट मुलाउड्जीले जानकारी दिए । उनले उद्धार कार्य जारी रहेको बताएका छन् ।

घटनामा ४० जनाभन्दा बढी घाइते भएका छन् । के कारणले आगलागी भयो भन्ने अझै खुल्न सकेको छैन ।