पाँच करोड भन्दा बढी ठगी गरेको आरोपमा धादिङका न्यौपाने पक्राउ

काठमाडौं – पाँच करोड भन्दा बढी रकम ठगी गरेको आरोपमा धादिङ घर भएका अमृत भन्ने ठानेश्वर न्यौपानेलाई प्रहरीले पक्राउ गरेको छ ।

धादिङ जिल्ला निलकण्ठ नगरपालिका वडा नं. १४ धुँवाकोट घर भएका न्यौपानेलाई, मंगलवार बिहान जिल्ला प्रहरी परिषर काठमाडौंको टोलीले चन्द्रागिरी नगरपालिका स्थीत् निवासबाटै पक्राउ गरेको हो । न्यौपानेबीरुद्ध चोरी, ठगी, किर्ते, आपराधिक विश्वासघात लगायतको आरोपसहित उजुरी परेको थियो । उजुरीलगत्तै प्रहरीको टोलीले घरबाटै पक्राउ गरेको हो ।

न्यौपानेले धादिङ गजुरी गाँउपालिका घर भई काठमाडौंको कागेश्वरी मनोहरा नगरपालिकामा व्वसयाय गर्दै आएका अचुत अर्यालको ५ करोड भन्दा बढी रकम ठगी गरेका थिए । उनले अर्यालको शुभलाभ काष्ठ तथा फर्निचर उद्योगमा कमिशनमा काम भर्ने भनी मार्केटिङको काम गर्दै आएको र सोहि क्रममा अर्यालको ५ करोड भन्दा बढी ठगी गरेको आरोपमा पक्राउ गरिएको प्रहरी श्रोतले जानकारी दिएको छ । न्यौपानेले, अर्यालको फर्निचर उद्योगको नाममा रहेको एन.आई.सि. एशिया बैंक टेकु शाखाको हस्ताक्षर उल्लेख गरिएको २५ थान खाली चेकबुक उद्योगको मेशिन औजारहरु र उद्योगको नाममा रहेको महत्वपूर्ण कागजातहरु चोरी गरेको र चोरी गरिएको चेकमा श्रीमती सन्तोषी न्यौपानेको नाम उल्लेख गरी एक करोड बिस लाख नगद झिक्ने प्रयास गरेका थिए ।

त्यस्तै न्यौपानेले आपूm फर्निचर कम्पनीको मालिक रहेको भन्दै अर्यालको स्विकृतीबनिा भिजिटिङ्ग कार्डसमेत बनाई, उद्योगको नाउँमा विभिन्न किसिमका ब्रोसरहरु छपाई गरी सामाजिक सञ्जालमा समेत उद्योगको नामबाट अनलाईन पेज बनाइअर्डर लिई श्रीमतीको खातामा रकम जम्मा गर्न लगाएका थिए । कामकै सिलसिलामा फर्निचर व्यवसायी अर्याललाई, न्यौपानेले पाँच करोड पन्ध्र लाख एघार हजार पाँच सय तेत्तिस रुपैंया भन्दा बढी ठगी गरेका छन् ।

सोहि विषयमा अर्यालले, न्यौपाने दम्पती बीरुद्ध जाहेरी दर्ता गराएपछी पक्राउ गरिएको जिल्ला प्रहरी परिषर कार्यालय टेकुले जनाएको छ । प्रहरीका अनुसार अहिले उनीमाथी अनुसन्धान भैरहेको छ । “पिडत भनिएका अचुत अर्याल पनि अहिले परिषरमै आउनुभएको छ । उहाँसमेतको उपस्थितीमा पक्राउ परेका व्यक्तिसंग सोधपुछ भैरहेको छ । सोधपुछको प्रकृयापछी मुद्धा दर्ता गर्छौँ ।” परिषरमा कार्यरत् एक प्रहरी अधिकृतले भने ।