बेनिघाट आरुघाट सडकखण्ड पहिरोले अवरुद्ध

बेनिघाट – दुई दिनदेखि लगातार परेको अविरल वर्षापछि खसेको पहिरोले बेनिघाट – आरुघाट सडकखण्ड अवरुद्ध भएको छ ।

उक्त सडक खण्डअन्तर्गत पर्ने गोरखाको गण्डकी गाउँपालिका – ४ ढावेस्थित दीपा पहरो भन्ने स्थानमा आइतबार साँझपख पहिरो खसेको गण्डकी गाउँपालिकाका अध्यक्ष दीपक तिमिल्सिनाले जानकारी दिए । जसका कारण बेनिघाट – आरुघाट सडकखण्ड अवरुद्ध भएको हो ।

सडक माथिबाट ठूला – ठूला ढुङ्गासहितको पहिरो खसेको स्थानीयले जानकारी दिएको उनले बताए । पहिराले दुईतर्फी सडक अवरुद्ध भएपछि सवारी साधन आउजाउ नै ठप्प भएका छन् ।