टोयोटाले ‘फ्यूल ट्यांक’मा समस्या देखिएपछि १ लाख ६८ हजार कार फिर्ता बोलायो

एजेन्सी– आफ्ना उत्पादनमा समस्या देखिएपछि जापानी कार निर्माता टोयोटाले १ लाख ६८ हजार वटा कार फिर्ता बोलाएको छ ।

टोयोटाले प्लास्टिकबाट बनेको ‘फ्यूल ट्यांक’ मा समस्या देखिएपछि एकैपटक ठूलो मात्रामा अमेरिकाबाट कार फिर्ता बोलाएको हो ।

समाचार संस्था सीएनएनका अनुसार टोयोटाले सन् २०२२ र २०२३ को मोडल मुन्द्रा फिर्ता बोलाएको छ । खासमा प्लास्टिकबाट बनाइएको फ्यूल ट्यांकमा लिक देखिएपछि मर्मतका लागि कम्पनीले फिर्ता बोलाइएको जनाइएको छ ।

लिकको समस्या भएको ट्युब कम्पनीले निःशूल्क परिवर्तन गर्नेछ । फ्यूल ट्यांकमा देखिएको समस्याले सवारीमा आगलागीको जोखिम हुने भएकाले मर्मतका लागि फिर्ता बोलाइएको कम्पनीले जनाएको छ ।