डोमिनिकन रिपब्लिकको अवैतनिक वाणिज्यदूतमा गौरव अग्रवाल नियुक्त

काठमाडौं – नेपालका लागि डोमिनिकन रिपब्लिकको अवैतनिक वाणिज्यदूतमा गौरव अग्रवाल नियुक्त भएका छन् ।

सोमबार, नेपालस्थित डोमिनिकन रिपब्लिकको मानार्थ महावाणिज्य दूतावासको कार्यालयले विज्ञप्ति जारी गर्दै अग्रवाललाई  नियुक्त गरिएको जानकारी गराएको हो ।

विज्ञप्तिमा अग्रवालको नियुक्तिले डोमिनिकन रिपब्लिक र नेपालबीचको द्विपक्षीय सम्बन्धलाई थप सुदृढ बनाउन महत्वपूर्ण कोसेढुङ्गाको रुपमा लिइएको उल्लेख गरिएको छ ।

‘नेपालका लागि डोमिनिकन रिपब्लिकको अवैतनिक वाणिज्यदूतमा गौरव अग्रवाल नियुक्त भएको जानकारी गराउन पाउँदा हामी खुसी छौं। यो नियुक्तिले डोमिनिकन रिपब्लिक र नेपालबीचको द्विपक्षीय सम्बन्धलाई थप सुदृढ बनाउन महत्वपूर्ण कोसेढुङ्गाको रुपमा लिइएको छ ।’ विज्ञप्तिमा भनिएको छ ।