अहिले पार्टी नेतृत्वको आलोचना गर्ने समय होइन : मुख्यमन्त्री जम्मकट्टेल

काठमाडौं – नेकपा माओवादी केन्द्रको केन्द्रीय सदस्य शालिकराम जम्कट्टेलले अहिले नेतृत्वको आलोचना गर्ने समय नभएको बताएका छन् ।

नेकपा माओवादी केन्द्रको केन्द्रीय कमिटी बैठकमा सदस्यहरूले आ आफ्नो धारणा राख्ने क्रममा बागमती प्रदेशका मुख्यमन्त्रीसमेत रहेका जम्कट्टेलले अहिले नेतृत्वको आलोचना गर्ने बेला नभएको बताएका हुन् । ‘सरकारले यति ठुलो हिम्मत गरिरहेको छ । अघिल्ला सहकारको नेतृत्वमा भए गरेका विभिन्न खाले भ्रष्टाचार, अनियमितताहरु सवै बाहिर ल्याईरहेको छ । यो बेला सरकारलाई साथ दिने हो । सरकारलाई साथ दिने भनेको सरकारको नेतृत्व गर्ने दल त्यसको प्रधानमन्त्रीलाई सहयोग गर्ने हो । अहिले नेतृत्व र प्रचण्डको आलोचना गर्ने बेला होइन, नेतृत्व र पार्टी बलियो बनाउने बेला हो ।’ जम्कट्टेलले भने ।

साथै उनले शान्ति प्रक्रियाको काम छिटोभन्दा छिटो टुङ्ग्याउनुपर्नेमा जोड दिएको एक नेताले बताए । बैठकमा आफ्नो पार्टीको मात्र नभई प्रतिस्पर्धी पार्टीहरूको विषयमा पनि समीक्षा हुनुपर्नेमा उनले जोड दिएका थिए ।