छोरी जन्माउने आमालाई कृष्णपुर नगरले प्रोत्साहन भत्ता दिने

काठमाडौं–कञ्चनपुरको कृष्णपुर नगरपालिकाले छोरी जन्माउने आमालाई २ हजार प्रोत्साहन भत्ता वितरण गर्ने भएको छ ।

चालु आर्थिक वर्षदेखि लागु हुने गरी नगरपालिकाले ‘बालिका प्रोत्साहन’ कार्यक्रम अन्तर्गत भत्ता वितरण गरिने नगर उपप्रमुख द्रोपती रानाले बताइन् ।

उनका अनुसार नगरपालिकाभित्र अहिले पनि सानै उमेरमा विवाह गर्ने र त्यसैमाथि छोराको आशमा पटक–पटक गर्भपतन गर्दा महिलाको स्वास्थ्यमा गम्भीर असर परेको छ ।

बालिका प्रोत्साहन कार्यक्रमले बालविवाह पनि कम हुने नगरपालिकाले अपेक्षा राखेको छ ।