सुन प्रकरण : थप एक जना पक्राउ, पक्राउ पर्नेको संख्या १७ पुग्यो

काठमाडौं – झण्डै १०० किलो सुन बरामद प्रकरणमा थप एक जनालाई पक्राउ गरिएको छ । त्रिभुवन अन्तर्राष्ट्रिय विमानस्थलबाट गत साउन २ गते बरामद भएको १०० किलो सुन प्रकरणमा बुधबार थप एक जना पक्राउ परेका हुन् ।

राजस्व अनुसन्धान विभागले बुधबार सुरेन्द्र तामाङलाई पक्राउ गरेको जनाएको छ । योसँगै पक्राउ पर्नेको संख्या १७ पुगेको छ ।

यसै प्रकरणमा बुधबार अपरान्ह प्रहरीले कमलादीस्थित सेयर कारोबारी राकेश अडुकियाको घरमा छापा मारेको थियो । त्यस लगत्तै बुधबार नै सोह्रखुट्टेस्थित एक गोदामा पनि छापा मारेको छ ।