प्रधानमन्त्रीले आज बुढीगण्डकीको फिल्ड कार्यालय उद्घाटन गर्ने

धादिङ – प्रधानमन्त्री पुष्पकमल दाहाल प्रचण्डले आज बुढीगण्डकी जलविद्युत् आयोजनाको फिल्ड कार्यालयको उद्घाटन गर्ने भएका छन् ।

आज बुधबार बिहान ११ बजे प्रधानमन्त्री प्रचण्डबाट आयोजनाको वातावरण मुआब्जा वितरण, पुनर्वास तथा पुनर्स्थापना इकाई कार्यालय रहेको सिउरेनीटार, गोरखामा, आयोजनाको फिल्ड कार्यालयको आज उद्घाटन हुने भएको हो ।

लामो समयको प्रतीक्षा पछि सरकारले बूढी गण्डकी जलविद्युत् आयोजना निर्माणका लागि आवश्यक प्रक्रिया अगाडि बढाएको छ । अव आयोजनाको निर्माण कार्य थालनी गर्न फिल्ड कार्यालयको उद्घाटन गर्न लागिएको बूढी गण्डकी जलविद्युत कम्पनीका प्रमुख कार्यकारी अधिकृत जगत श्रेष्ठले जानकारी दिए ।