म्युजिकल सिनेमा ‘समलिङ्गी’ सार्वजनिक

काठमाडौं– नेपाली गीत सङ्गीत बजारमा नयाँ प्रकारको “समलिङ्गी” नामक म्युजिकल सिनेमा सार्वजनिक भएको छ । हालसम्म निस्केको र बनेको भन्दा फरक कथा र विषय समेटेर भिडियो बनाइएको निर्माण पक्षको दाबी छ ।

शिरिशा पौडेलको शब्द, भीम बिसीको सङ्गीत तथा समीक्षा अधिकारीको स्वर रहेको गीतको भिडियोलाई दिनेश पराजुलीले खिचेका हुन् । दीपशिखा खड्का र सृष्टि खड्का फिचरिङ उक्त भिडियोको सिलन लम्सालले सम्पादन गरेका छन् ।

सयौँ म्युजिक भिडियो निर्देशन गरिसकेका निर्देशक वसन्त सापकोटाले यो म्युजिकल भिडियोमा भने आफू क्रीएटिभ डाइरेक्टरका रूपमा काम गरेका बताए । भिडियोलाई दीपशिखा खड्काले निर्देशन गरेकी हुन् ।