सेयर बजारमा सामान्य गिरावट

काठमाडौं– आज सेयर बजार सामान्य घटेको छ । सेयर बजार परिसूचक नेप्से आज शून्य दशमलव ८० अङ्कले घटेर दुई हजार ७६ दशमलव ९६ विन्दुमा झरेको छ ।

आज फाइनान्स, लगानी, म्युचल फन्ड, उत्पादन तथा प्रशोधन, माइक्रोफाइनान्स र अन्यबाहेक सबै समूहको सेयर घटेकोमा विकास बैंक, निर्जीवन बीमा, होटल तथा पर्यटन र जलविद्युत् समूहको सेयर उच्च अङ्कले ओरालो लागेको छ ।

आज दुई सय ९३ वटा कम्पनीको एक करोड ११ लाख कित्ता सेयर तीन अर्ब ७९ करोड ७९ लाख रुपैयाँको कारोबार भएको छ । सबैभन्दा धेरै सोल्टी होटल लिमिटेडको ३३ करोड १२ लाख रुपैयाँको सेयर किनबेच भयो ।

आज सबैभन्दा धेरै हिमालयन हाइड्रो र सिटी होटलको शेयर छ प्रतिशतभन्दा धेरैले घटेको छ । समग्रमा बजार घटे पनि रावा इनर्जीको शेयर झन्डै १० प्रतिशतले बढेको छ ।