सुरत विमानस्थलबाट ४८ किलो सुनसहित तीन जना पक्राउ

एजेन्सी– भारतको सुरत विमानस्थलबाट ४८ किलो अवैध सुनसहित तीन जना पक्राउ परेका छन् ।

राजस्व गुप्तचर निर्देशनालयले २५ करोड भारु बराबरको ४८ दशमलव २ किलो सुनसहित तीन जनालाई नियन्त्रणमा लिएको हो ।

युएईको शारजहाँबाट एअर इण्डियाको उडानबाट आएका तीन जना यात्रुहरुलाई नियन्त्रणमा लिइएको सो कार्यालयले जनाएको छ । उनीहरुले उक्त मात्राको सुनको पेस्ट बनाई ल्याएको जनाइएको छ ।

अध्यागमन भन्दा पहिल्यै शौचालयमा सुन हस्तान्तरण गर्ने गरी सुन ल्याइएको अनुसन्धानबाट खुलेको छ । ४ दशमलव ६७ किलो सुन भने पुरुष शौचालयमा बेवारिसे अवस्थामा फेला परेको थियो ।