अखाद्य सामग्री बिक्री गर्ने लाजिम्पाटको आकाश फुड्सलाई महानगरले तिरायो १ लाख ५० हजार रुपैयाँ जरिबाना

काठमाडौं– काठमाडौं महानगरपालिकाले अखाद्य सामग्री बिक्री वितरण गरेको भन्दै लाजिम्पाटको आकाश फुड्स पसललाई एक लाख ५० हजार रुपैयाँ जरिबाना तिराएको छ ।

पसल सञ्चालक अङ्कुर अग्रवालले सडेगलेका ढुसी परेको मिठाइ तथा किरा परेको अन्य खाद्य सामग्री बिक्री गरेको पाएपछि एक लाख ५० हजार रुपैयाँ जरिबाना गरेको महानगरका निरीक्षण अधिकृत बलराम त्रिपाठीले जानकारी दिए ।

जरिबाना तिर्न महानगरले सात दिनको समय दिएको छ । तोकिएको समयभित्र जरिबाना बापतको रकम नबुझाए थप कारबाही हुने महानगरपालिकाले जनाएको छ ।