ट्वीटरमा अब २५ हजार अक्षरसम्मको ट्वीट गर्न सकिने

काठमाडौं– माइक्रोब्लगिञ साइट ट्वीटरले अब ट्वीटमा हुने अक्षरको अधिकतम सीमालाई बढाएर २५ हजार पु¥याएको छ ।

अब २५ हजार वटा क्यारेक्टर (अंक, अक्षर, चिन्ह) सम्मको ट्वीट गर्न सकिनेछ ।

यद्यपि २५ हजार अक्षरसम्मको ट्वीट ट्वीटरको ब्लू सब्सक्रिप्सनवाला अर्थात् मासिक शुल्क तिर्ने प्रयोगकर्ताका लागि मात्रै यो फिचर उपलब्ध हुनेछ ।

नयाँ फिचरको जानकारी कम्पनीले एक ट्वीटमार्फत् दिएको छ । ट्वीटरका मालिक एलन मस्कले उक्त ट्वीटमा जवाफ फर्काउँदै लामो स्वरुपका पोस्टमा सुधार गरिएको बताएका छन् ।

यसअघि गत अप्रिल महिनामा ट्वीटरले सशुल्क निलो टिको भएका प्रयोगकर्ताका लागि ट्वीटको सीमा १० हजार अक्षरमा पूराएको थियो । त्यसअघि ट्वीटमा अक्षरको सीमा सबैका लागि २ सय ८० मात्र थियो ।