सिटिजन्स बैंकद्वारा आर्थिक सहयोग

काठमाडौं – सिटिजन्स बैंक इन्टरनेसनल लिमिटेडले संस्थागत सामाजिक उत्तरदायित्व अन्तर्गत धम्बोझी २, नेपालगन्ज स्थित ज्येष्ठ नागरिक क्लब भवन निर्माण उपभोक्ता समितिलाई आर्थिक सहयोग प्रदान गरेकोे छ ।

ज्येष्ठ नागरिकका लागि क्लब सुविधा निर्माण गर्ने मुख्य उद्देश्यका साथ स्थापना गरिएको थियो । यस्ले त्यस्ता नागरिकहरुको विभिन्न समस्याहरूलाई एउटै छानामुनि सम्बोधन गर्न र समाजमा कुनै पनि विषयको सन्दर्भमा उनीहरूको आवाजलाई प्रवद्र्धन गर्न मद्दत गर्ने विश्वास बैंकले लिएको छ ।

जेष्ठ नागरिक क्लबले उनीहरूलाई आफ्ना समस्याहरू समाधान गर्न, सदस्यहरूद्वारा पारस्परिक रूपमा लाभ उठाउन र पुनः निर्माण गर्न मद्दत गर्ने लक्ष्य राखेको छ । एक समारोहकाबीच बैंकले एक लाख एक हजार रुपैयाँको चेक संस्थाका अध्यक्ष अजित कुमार शर्मालाई हस्तान्तरण गरेको छ । ज्येष्ठ नागरिक क्लबमा १६५ जना सदस्य रहेका संस्थाका अध्यक्ष अजितकुमार शर्माले जानकारी दिए ।

आगामी दिनमा पनि बैंकले संस्थागत सामाजिक उतरदायित्व कार्यक्रम अन्तर्गत सामाजिक, आर्थिक, सांस्कृतिक, शैक्षिक जस्ता क्षेत्रमा सकारात्मक परिवर्तन ल्याउनका निम्ति विभिन्न कार्यक्रम संचालन गर्ने योजना रहेको जानकारी गराएको छ ।

बैंकले धारापानी शाखा सहित देशैभरी फैलिएका आफ्ना १८४ शाखा, १४१ एटिएम. ३ विस्तार काउन्टर र ९७ वटा शाखा रहित बैंकिग इकाइबाट करिव १५ लाख ९० हजार ग्राहकलाई आधुनिक बैंकिग सेवा प्रदान गर्दै आएको पनि विज्ञप्तिमा उल्लेख छ ।