थापाथलीमा नयाँ व्यवसाय संचालनमा : लाईभ म्युजिकदेखी विभिन्न परिकार पाईने

काठमाडौं – मुलुक अर्थतन्त्रको शंकटमा परिरहेका बेला राजधानीको थापाथलीमा एक समुहले नयाँ व्यवसाय संचालनमा ल्याएका छन् ।

आर्थिक चुनौतिलाई अवसरको रुपमा बदल्न यस्यसवी राज्यलक्ष्मी शाहसहितको समुहले ग्रेटवाल मोटर्स शोरुम छेउमा मनोरञ्जनात्मक ‘रमाईलो साँझ’ नामक व्यावसायीक केन्द्र संचालनमा ल्याएका हुन् ।

कर्णाली प्रदेश सांसद राजिव विक्रम शाहकी सुपुत्री शाहले आफ्नै निजी निवाससंगै रहेको खाली जमिनलाई सदुपयोग गर्दै व्यावसायीक केन्द्र संचालनमा ल्याएका हुन् । सञ्चालिका शाहका अनुसार हरेक शुक्रवार साँझ ५ बजेदेखी ९ बजेसम्म उक्त स्थानमा जो कोहीले सहभागिता जनाउन पाउने छन् । त्यस्तै मनोरञ्जनसंगै विभिन्न किसिमका खानेकुरा, नेपाली उत्पादनका सामानहरुका स्टल र म्युजिक खेलका साथमा घरमा सजावटमा प्रयोग हुने सामाग्रीहरुसमेत पाईने छ ।

त्यस्तै शुक्रवार साँझ ५ बजेदेखी ९ बजेसम्म संचालन हुने उक्त कार्यक्रम शनिबार भने बिहान ११ बजेदेखी साँझ ५ बजेसम्म संचालन हुने छ ।

त्यस्तै उक्त व्यवसायबाट शंकलित् रकम सामाजिक सेवामा प्रयोग गरिने संचालिका शाहको भनाई छ । त्यस्तै व्यवसायबाट शंकलीत् केहि रकम तथा नाफाबापतको रकमले जाजरकोटमा विद्यालय स्थापना गर्ने उद्धेस्य राखेकोसमेत शाहले बताईन् ।