क्याननले नयाँ भीआर क्यामेरा सार्वजनिक गर्ने तयारी

काठमाडौं – जापानी क्यामेरा कम्पनी क्याननले आफ्नो नयाँ क्यामेराको प्रोटोटाइप सार्वजनिक गरेको छ ।

जापानमा आयोजित ुफोटो नेक्स्ट २०२३ सोु नामक कार्यक्रममा क्याननले आफ्नो नयाँ १८० डिग्री र ३६० डिग्री भीआर क्यामेराको प्रोटोटाइप सार्वजनिक गरेको हो ।

यी क्यामेराहरूलाई कम्पनीले अहिले नै कुनै नाम भने दिइसकेको छैन । यो क्यामेरा १८० र ३६० दुवै डिग्रीमा फोटो खिच्नसक्छ । कम्पनीले यसको प्रोटोटाइप प्रदर्शनीमा राखे पनि यसको फिचरहरूको विषयमा भने धेरै जानकारी दिएको छैन ।

यो बजारमा कहिलेदेखि उपलब्ध हुनेछ अथवा उपलब्ध हुने पनि छ कि छैन भन्ने विषयमा पनि कम्पनीले अहिले नै आधिकारिक रुपमा कुनै जानकारी दिएको छैन । बजारमा क्याननलाई नयाँ प्रविधि अंगाल्न नसकेको कम्पनीको रुपमा आलोचना गरिँदै आएको छ । यसैबीच कम्पनीले आफ्नो नयाँ क्यामेराको प्रोटोटाइप सार्वजनिक गरेको हो ।