रहेनन् महाभारतका ‘शकुनी’

एजेन्सी– महाभारतमा शकुनी मामाको भूमिका निभाउने गुफी पेन्टलको निधन भएको छ । उनका भतिजो हितेन पेन्टलले बीबीसीसँग उनको निधनको पुष्टि गरेका हुन् ।

हितेनका अनुसार आज बिहान ९ बजे उनको निधन भएको हो । उनी पछिल्लो केही समयदेखि मुटु र मिर्गौलासँग सम्बन्धित समस्यासँग जुधिरहेका थिए । यसै कारण उनलाई अस्पताल भर्ना गरिएको थियो ।

गुफी पेन्टलले सन् १९७५ मा रफू चक्रबाट बलिउडमा डेब्यू गरेका थिए ।

सन् १९८० मा उनले धेरै फिल्म र टिभी सिरियलमा काम गरे तर उनलाई वास्तविक पहिचान सन् १९८८ मा बीआर चोपडाको महाभारतबाट मिलेको थियो ।
शकुनीको भूमिका निर्वाह गर्नु बाहेक, गुफीले ‘महाभारत’ को लागि कास्टिङ डाइरेक्टर र प्रोडक्सन डिजाइनरको भूमिका पनि निभाएका थिए ।