विद्यालयका लेखापालद्धारा शरिरमा आगो लगाएर आत्मदाह प्रयास

विराटनगर – मोरङको सुन्दरहरैचा नगरपालिकाको एक विद्यालयका लेखापालले शरिरमा आगो लगाएर आत्मदाह प्रयास गरेका छन् ।

शनिबार बिहान सुन्दरहरैँचा २ स्थित् श्री माध्यमिक विद्यालयका लेखापाल मनिल ढकालले विद्यालयकै शौचालयभित्र शरिरमा आगो लगाएर आत्मदाह प्रयास गरेको अवस्थामा फेला परेका हुन् ।

मोरङ प्रहरीका प्रवक्ता डीएसपी रन्जनकुमार दाहालले विद्यालयमा लेखापाल रहेका ४० वर्षीय ढकाल विद्यालयकै शौचालयभित्र जलिरहेको अवस्थामा शनिबार बिहान ६ स् ५० बजेतिर भेटिएको जानकारी दिए । डीएसपी दाहालका अनुसार उनी आज बिहानै विद्यालय जान्छु भनी घरबाट हिँडेको खुलेको छ । आगोले शरीरका अधिकांश भाग जलेका कारण उनको अवस्था गम्भीर रहेको पनि डिएसपी दमहालले बताए ।

गम्भीर घाईते ढकाललाई उपचारका लागि विराटनगरको कोशी अस्पताल पुर्‍याइएको छ । घटनाको प्रारम्भिक अनुसन्धानका क्रममा उनने आफैंलाई आगो लगाएको देखिएको प्रहरीले बताएको छ ।