नक्कली भुटानी शरणार्थी प्रकरण : अनुसन्धान प्रतिवेदन आज बुझाइँदै

काठमाडौं – नक्कली भुटानी शरणार्थी प्रकरणको अनुसन्धान प्रतिवेदन आज (सोमबार) बुझाइँदैछ ।

जिल्ला प्रहरी कार्यालयले केही दिनअघि पक्राउ परेकामाथि गरेको अनुसन्धान प्रतिवेदन सरकारी वकिलको कार्यालयमा बुझाउन लागेको हो ।नेपाली नागरिकलाई भुटानी शरणार्थी बनाएर अमेरिका पठाइदिन्छु भन्दै करोडौं असुली गर्ने प्रयासमा कम्तिमा ३२ जना संलग्न रहेको निष्कर्षका साथ आज प्रतिवेदन बुझाउन लागिएको हो ।

सो प्रकरणमा पूर्वगृहमन्त्री बालकृष्ण खाँड, पूर्वमन्त्री टोपबहादुर रायमाझी, नेपाल सरकारका सचिव टेकनारायण पाण्डेलगायतलाई पक्राउ गरी झन्डै दुई महिनादेखि जारी अनुसन्धानको प्रारम्भिक प्रतिवेदन बुझाउन लागेको प्रहरीले जनाएको छ ।