काठमाडौंमा फेरी एक महिलाले गरिन् आत्मदाह

काठमाडौं – काठमाडौंमा फेरी एक महिलाले शरीरमा आगो लगाएर आत्मदाह गरेकी छन् ।

हिजो शुक्रबार दिउँसो पौने ३ बजे चन्द्रागिरि नगरपालिका ९ मच्छेगाउँमा ३६ वर्षीय शान्ति श्रेष्ठले आफ्नै शरीरमा पेट्रोल छर्केर आगो लगाएर आत्मदाह गरेकी हुन् । ३६ वर्षीय शान्ति श्रेष्ठ रामेछाप घर भई चन्द्रागिरि ९ मच्छेगाउँ बस्दै आएकी थिईन् ।

शरीरमा आगो लागेपछि छटपटिंदै आफ्नै कोठा अगाडिको सडकमा आएपछि स्थानीय र प्रहरीले उनको उद्धार गरेका थिए । अचेत अवस्थामा उद्धार गरिएकी श्रेष्ठको उपचारका क्रममा कीर्तिपुर अस्पतालमा आज शनिबार बिहान साँढे तीन बजे मृत्यु भएको जिल्ला प्रहरी परिसर काठमाडौंले जनाएको छ ।

घटनाबारे प्रहरीले अनुसन्धान गरिरहेको छ ।