नीति तथा कार्यक्रम पारित गर्न सिंहदरबारमा मन्त्रिपरिषद बैठक बस्दै

काठमाडौं – सरकारको आगामी आर्थिक वर्षको नीति तथा कार्यक्रम पारित गर्न अहिले सिंहदरबारमा मन्त्रिपरिषदको बैठक बसिरहेको छ ।

राष्ट्रपति रामचन्द्र पौडेलले आज शुक्रबार बेलुकी ६ बजे संसदमा नीति तथा कार्यक्रम प्रस्तुत गर्ने कार्यक्रम रहेको छ । त्यसकै तयारीका लागी अहिले सिंहदरबारमा मन्त्रिपरिषदको बैठक बसिरहेको हो । सरकारी ढुकुटी नभरिएको अवस्थालाई ध्यान दिँदै कृषि उत्पादन र रोजागरी सिर्जनामा केन्द्रित भएको नीति तथा कार्यक्रम ल्याउने तयारी गरेको छ ।

प्रधानमन्त्री पुष्पकमल दाहाल प्रचण्डले यसपालिको नीति तथा कार्यक्रम र बजेट उत्पादन र रोजगारी सिर्जनामा केन्द्रित रहने बताउँदै आएका छन् ।