घुस लिएको आरोपमा चीनमा दक्षिण कोरियाली फुटबलर पक्राउ

एजेन्सी– चीनले दक्षिण कोरियाली फुटबलरलाई घुस लिएको आरोपमा पक्राउ गरेको पुष्टि गरेको छ । चाइनिज सुपर लिग खेल्ने सन जुन–हो उत्तरपूर्वी लिओनिङ प्रान्तमा प्रहरी हिरासतमा रहेको चीनको विदेश मन्त्रालयले जनाएको छ ।

दक्षिण कोरियाली सञ्चारमाध्यमका अनुसार ३१ वर्षीयलाई शुक्रबार सांघाई विमानस्थलमा हिरासतमा लिइएको थियो। चिनियाँ फुटबलमा भ्रष्टाचार र म्याच फिक्सिङ विरुद्ध कडा कारबाहीका बीच सन पक्राउ परेको रिपोर्ट आएको हो ।

योनहाप समाचार एजेन्सीले स्रोतलाई उद्धृत गर्दै दक्षिण कोरियाका कूटनीतिज्ञहरूले सनलाई ‘कुन प्रकारको आरोपमा हिरासतमा राखिएको छ भन्ने कुरा पत्ता लगाउन’ भेट गरेका छन् ।

चीनले गत तीन महिनामा कम्तीमा चार जना फुटबल अधिकारीहरूलाई गल्ती गरेको आरोपमा पक्राउ गरेको छ। सन २०२१ मा चीनको शानडोङ प्रान्तमा सरेका थिए जहाँ उनले शान्डोङ ताइशानका लागि मिडफिल्डरको रूपमा खेलेका थिए ।

त्यो वर्ष क्लबले चिनियाँ फुटबल लीग जितेको थियो । उनका वर्तमान टोलीमा पूर्व म्यानचेस्टर युनाइटेड र एभर्टनका मिडफिल्डर मारुएन फेलानी पनि समावेश छन् । उनले गत वर्ष फिफा विश्वकपसमेत आफ्नो देशका लागि २० अन्तर्राष्ट्रिय खेल खेलेका छन् ।