सिंहदरबारमा प्रधानमन्त्री प्रचण्ड, देउवा र ओलीबीच भेटवार्ता जारी

काठमाडौं– सिंहदरबारमा प्रधानमन्त्री पुष्पकमल दाहाल प्रचण्ड, नेपाली कांग्रेसका सभापति शेरबहादुर देउवा र नेकपा एमालेका अध्यक्ष केपी शर्मा ओलीबीच भेटवार्ता भएको छ ।

अहिले भेटवार्ता जारी छ ।

समसामयिक राजनीतिक घटनाक्रमबारे छलफल भएको बताइएको छ । भुटानी शरणार्थी प्रकरणमा पूर्वगृहमन्त्री बालकृष्ण खाणलगायत पक्राउ परेका बेला नेताहरूबीच भेटवार्ता भएको हो ।

पछिल्लो समय प्रधानमन्त्री प्रचण्डसँग देउवा र ओलीले भेटवार्तालाई तीव्रता दिएका छन् ।