सिम्रिक एयरको हेलिकप्टर संखुवासभामा दुर्घटना

धरान – अरुण तेस्रो जलविद्युत आयोजनाको सामान बोकेको सिम्रिक एयरको हेलिकप्टर संखुवासभामा दुर्घटनामा परेको हो ।

भोटखोला गाउँपालिका वडा नम्बर ४ को सिप्रुङमा हेलिकप्टर दुर्घटना भएको जिल्ला प्रहरी कार्यालय संखुवासभाले जानकारी दिएको छ ।

घटनाको विस्तृत विवरण आउन बाँकी रहेको संखुवासभाका प्रमुख जिल्ला अधिकारी शिवकुमार कार्कीले बताए । प्रजिअ कार्कीका अनुसार भोटखोला गाउँपालिका वडा नम्बर ४ को सिप्रुङमा हेलिकप्टर दुर्घटना भएको जानकारी स्थानीयले दिएको तर विस्तृत विवरण नआएको बताए । ‘घटनास्थलमा प्रहरीको टोली पठाइएको छ, प्रहरीको टोली त्यसतर्फ प्रस्थान गरिसकेको छ,’ कार्कीले भने ।