एमाले नेता तथा पूर्वमन्त्री टोपबहादुर रायमाझी पक्राउ : प्रहरीले गोप्य राख्यो सुचना

भैरहवा – नेकपा एमालेका सचिव तथा पूर्व उपप्रधान तथा गृहमन्त्री टोपबहादुर रायमाझी भैरहवाबाट पक्राउ परेका छन् ।

नक्कली भुटानी शरणार्थी बनाएर नेपालीलाई अमेरिका पठाउने गरेको अरोपमा प्रहरीले रायमाझीलाई बिहीबार विहान भैरहवाबाटै पक्राउ गरेको हो ।

रायमाझी पक्राउ परेकोबारे प्रहरीले औपचारिक रूपमा सार्वजनिक भने गरेको छैन । रायमाझीलाई पक्राउ गरिएपनी रुपन्देही प्रहरीले आफूहरूलाई जानकारी नभएको प्रक्रिया दिएको छ । यद्धपी तर प्रहरीको गोप्य स्रोतले दिएको जानकारी अनुसार रायमाझी बिहीबार बिहानै घरबाटै पक्राउ परेका हुन् ।

रायमाझीका छोरा सन्दीपलाई हिजो बुधबार साँझ बुटवलबाट पक्राउ गरिएको थियो । रायमाझी बाबुछोरालाई पक्राउ गर्न बुधबार नै पक्राउ पुर्जी जारी भएको थियो । रायमाझी बाबुछोरालाई काठमाडौँबाट आएको प्रहरीको विशेष टोलीको समन्वयमा पक्राउ गरेको हो ।