चलचित्र ‘प्रसाद २’ र ‘नाई नभन्नु ल ६’को अग्रिम टिकट बुकिङ खुला

काठमाडौं– चलचित्र ‘प्रसाद २ र ‘नाई नभन्नु ल ६’को अग्रिम टिकट बुकिङ खुला भएको छ ।

बैशाखको १५ गतेबाट रिलिज हुन लागेको प्रतिक्षित २ वटा चलचित्रको देशभरका मल्टिप्लेक्सले बुकिङ खुल्ला गरेसँगै चलचित्रले कस्तो ओपनिङ व्यापार गर्छ भन्ने प्रतिक्षा समेत बढेको छ ।

विकासराज आचार्यद्वारा निर्देशित चलचित्र ‘नाई नभन्नु ल ६’ मा प्रियंका कार्की, आँचल शर्मा, आशिर्वाद क्षेत्री, केकी अधिकारी, सरोज खनाल, खड्गबहादुर पुन, अथर्व उप्रेती, योगिशा खत्री लगायतको अभिनय रहेको छ ।

यस चलचित्रले क्यूएफएक्स चेनका ८ हलमा १५ शोज पाएको छ भने वीग मुभिजले २ शो उपलब्ध गराएको छ । त्यसैगरी चावहिलमा रहेको एफक्यूबले ‘नाई नभन्नु ल ६’लाई २ शोज उपलब्ध गराएको छ ।

यस्तै, सुदर्शन थापाको निर्देशनमा तयार भएको चलचित्र ‘प्रसाद २ मा विपिन कार्की, केकी अधिकारी, अर्पण थापा, महेश त्रिपाठी लगायतका कलाकारको अभिनय रहेको छ ।

यस चलचित्रले क्यूएफएक्स चेनले देशभरका ६ हलमा २१ शोज दिएको छ । अझै, केही हलमा शोज बाँड फाँड हुन बाँकी छ । यस्तै, यो फिल्मलाई बीग मुभिजले ४ शोज उपलब्ध गराएको छ ।

कालिमाटीको वान सिनेमाजमा यो फिल्मलाई ४ शोज दिइएको छ । त्यसैगरी चावहिलमा रहेको एफक्यूबले ‘प्रसाद २’ लाई ४ शोज उपलब्ध गराएको छ ।

यसरी हेर्दा देशभरका हलमा ‘प्रसाद २’ ले ६० र ‘नाई नभन्नु ल ६’ले ४० प्रतिशत शोज पाएका छन् ।