तनहुँ – १ मा स्वर्णिम वाग्ले विजयी

दमौली – तनहुँ – १ को प्रतिनिधिसभा सदस्य उपनिर्वाचनमा राष्ट्रिय स्वतन्त्र पार्टीका उम्मेदवार डा. स्वर्णिम वाग्ले विजयी भएका छन् ।

वाग्लेले निकटतम् प्रतिस्पर्धी नेपाली कांग्रेसका उम्मेदवार गोविन्द भट्टराई भन्दा १४ हजार ७९६ मत ल्याएर विजयी भएका हुन् । वाग्लेले ३४ हजार ९१८ पाउँदा भट्टराईले २० हजार १२२ मत पाएका छन् । भट्टराई गठबन्धनका तर्फबाट उम्मेदवार बनेका थिए ।

त्यस्तै तेस्रो स्थानमा रहेका नेकपा एमालेका उम्मेदवार सर्वेन्द्र खनालले ८ हजार ५५५ मत पाएका छन्। कांग्रेसका भट्टराईले अन्तिम मत परिमाण नआउँदै हार स्विकार गरेका थिए । उक्त निर्वाचन क्षेत्रमा यसअघि मंसिर ४ को चुनावमा कांग्रेसले जितेको थियो ।