जितनारायणको चुनावी सभालाई सम्बोधन गर्न राजेन्द्र पाण्डे चितवन जाँदै

काठमाडौं – नेकपा एकीकृत समाजवादीका उपाध्यक्ष राजेन्द्रप्रसाद पाण्डे आज चितवन जाँदै छन् ।

बाम लोकतान्त्रिक गठबन्धनले आयोजना गरेको चुनावी सभालाई सम्बोधन गर्न उपाध्यक्ष राजेन्द्रप्रसाद पाण्डे आज चितवन जान लागेका हुन् ।

आज बाम लोकतान्त्रिक गठबन्धनले आज दिउँसो ३ बजे पूर्वी चितवनको कालिका नगरपालिकामा चुनावीसभाको आयोजना गरेको छ । चुनावी सभालाई सम्बोधन गर्न पाण्डेसहित नेकपा माओवादी केन्द्रका अध्यक्ष एवं प्रधानमन्त्री पुष्पकमल दाहाल ‘प्रचण्ड’, नेपाली कांग्रेसका सभापति एवं पूर्वप्रधानमन्त्री शेरबहादुर देउवा र जनता समाजवादीका अध्यक्ष एवं पूर्वप्रधानमन्त्री बाबुराम भट्टराई लगायत चितवन जाँदै छन् ।

उता सभालाई सम्बोधन गर्न नेकपा एककिृत समाजवादीका अध्यक्ष एवं पूर्वप्रधानमन्त्री माधवकुमार नेपाल जाने भनिएपनी बारा जानुपर्ने भएकाले सभालाई सम्बोधन गर्न पाण्डे चितवन जान लागेका हुन् ।