पूर्वशिक्षक त्रिपाठीद्धारा विद्यालयलाई आर्थिक सहयोग

धादिङ – जिल्लाको सिद्धलेक ४ सलाङघाटमा रहेको जलेश्वरी माध्यमिक विद्यालयलाई पूर्व शिक्षक विनोदकुमार त्रिपाठीले आर्थिक सहयोग गरेका छन् ।

बेनिघाट रोराङ गाउँपालिका ३ मलेखु निबासी पूर्व शिक्षक त्रिपाठीले विद्यालयमा अध्ययनरत् २ जना विद्यार्थीको वार्षिक शैक्षिक सामग्री तथा परीक्षा शुल्क सहितको रकम विद्यालयलाई हस्तान्तरण गरेका हुन् ।

उनले २ जना गरीब तथा जेहेन्दार विद्यार्थी को लागि छात्रवृति, शैक्षिक सामग्री तथा परीक्षा शुल्क वापत रु.१० हजार रकम सहयोग गरेको प्रधानाध्यापक भोजराज अर्यालले जानकारी दिए ।