संसदमा प्रधानमन्त्री हराएको सूचना

काठमाडौं – नेकपा एमालेका सांसद रघुजी पन्तले संसदमा प्रधानमन्त्री हराएको सूचना सुनाएका छन् ।

प्रतिनिधिसभा बैठकमा बारम्बार आवाज उठी रहदा पनि प्रधानमन्त्री पुष्पकमल दाहाल (प्रचण्ड) अनुपस्थित भएपछि एमाले सांसद रघुजी पन्तले व्यंग्य गर्दै आइतबार बसेको प्रतिनिधिसभा बैठकको शुन्य समयमा सो सूचना सुनाएका हुन् ।

उनको सूचनामा भनिएको थियो :

‘नागरिकताको नाम : श्री पुष्पकमल दाहाल
चलन चल्तीको नाम : प्रचण्ड
स्थायी ठेगाना : फेरिराख्ने
अस्थायी ठेगाना : कहिले खुमलटार, कहिले बालुवाटार ।
हुलिया : पहिले पहिले कोट पाइन्ट लगाउने गरेपनि हाल दौरासुरुवाल र टोपी लगाउने, उमेर ६५ नाघेको ७० नपुगेको जस्तो देखिने । उहाँ केही दिनअघि प्रतिनिधिसभा बैठकमा झुलुक्क देखिएर हाल संसदमा आउनै छोडेकाले उहाँलाई फेला पार्नुहुने व्यक्तिले संसद भवन नयाँ बानेश्वरमा बुझाइदिनुहोला । उहाँ अन्तिम पटक देखिएको स्थान बालुवाटारको छेउछाऊ ।’