भारतीय ट्यांकर दुर्घटना एक जनाको मृत्यु

मलेखु – काठमाडौं आँउदै गरेको भारतीय नम्बर प्लेटको ट्यांकर पृथ्वीराजमार्गको कुरिनटार नजिकै लेबाटारमा पल्टँदा एक जनाको मृत्यु भएको छ ।

आज सोमबार बिहान जे युपी ७० डिटी ६०५५ नम्बरको ट्यांकर पृथ्वीराजमार्गको ईच्छाकामना गाँउपालिकास्थीत् लेबाटारमा अनियन्त्रित भइ सडक छेउमा पल्टिएको हो । उक्त दुर्घटनामा परी ट्यांकरमा रहेका एक जना पुरूषको घटनास्थलमै मृत्यु भएको जिल्ला प्रहरी कार्यालय चितवनले जनाएको छ ।

मृतकको नाम, ठेगना, उमेर जस्ता परिचय खुल्न नसकेको जिल्ला प्रहरी कार्यालयका प्रवक्ता डिएसपी विजयराज पण्डितले जानकारी दिए । उनका अनुसार ट्यांकरमै रहेका अर्का व्यक्ति पनि सख्त घाइते छन् ।

कुरिनटारमा सामान्य उपचार भएको उनको हाल पुरानो मेडिकल कलेजको भरतपुरमा रहेको शिक्षण अस्पतालमा उपचार भइरहेको चितवन प्रहरीले जानकारी दिएको छ ।