धेरै बोल्दा भारतमा राहुल गान्धीलाई २ बर्ष जेल

काठमाडौं- भारतको गुजरात स्थित सुरत अदालतले कांग्रेस आईका नेता राहुल गान्धीलाई दुई वर्षको जेल सजाय सुनाएको छ ।

अदालतले ४ वर्ष पुरानो आपराधिक मानहानीसम्बन्धी मुद्दामा गान्धीलाई २ वर्षको जेल सजाय सुनाएको हो । गान्धीलाई यो सजायविरुद्ध माथिल्लो अदालतमा पुनरावेदन गर्न एक महिनाको समय तोकिएको छ ।

सन् २०१९ को लोकसभा चुनावका क्रममा कर्नाटकको एउटा कार्यक्रममा गान्धीले ‘सबै चोरहरु, चाहे ऊ निरभ मोदी होस्, ललित मोदी हो वा नरेन्द्र मोदी हो, सबैको थर किन मोदी भयो ?’ भन्दै मोदी थरप्रति गरेको टिप्पणीलाई लिएर अदालतमा मुद्दा परेको थियो ।

सो मुद्दाको सुनुवाईको समय गान्धी पनि उपस्थित रहेको भारतीय सञ्चार माध्यमहरुले जनाएका छन् ।