मन्त्रिपरिषद्लाई पूर्णता दिन बालुवाटारमा सत्ता गठबन्धनको बैठक

काठमाडौं – मन्त्रिपरिषद्लाई पूर्णता दिन आज सत्ता गठबन्धनको बैठक बस्ने भएको छ ।

प्रधानमन्त्री निवास बालुवाटारमा सत्ता साझेदार दलका शीर्ष नेताहरु बसेर मन्त्रिपरिषद्लाई पूर्णता दिने विषयमा छलफल गर्ने बताइएको छ ।आज बसेको बैठकले एउटा ठोस छलफल गरेर मन्त्रिपरिषद्लाई पूर्णता दिने तयारी भएको प्रधानमन्त्री सचिवालय स्रोतले जनाएको छ ।

सरकारमा सहभागी हुने विषयलाई लिएर प्रधानमन्त्री पुष्पकमल दाहाल ‘प्रचण्ड’ र नेपाली कांग्रेस सभापति शेरबहादुर देउवाले मंगलबार छलफल गरेका थिए । प्रधानमन्त्री दाहाल र देउवाबीच सरकारमा सहभागी हुने विषयमा कसरी भागबण्डा गरेर जाने भन्ने विषयमा कुराकानी भएको बताइएको छ ।

प्रधानमन्त्री दाहालले सोमबार प्रतिनिधिसभाबाट विश्वासको मत पाएसँगै मन्त्रिपरिषद्लाई पूर्णता दिने तयारी थालिएको हो ।