पृथ्वी राजमार्गको सलाङघाटमा बस दुर्घटना : ६ जना घाईते

धादिङ – पृथ्वी राजमार्ग अन्र्तगत् धादिङको बेनिघाट रोराङ ३ स्थीत् सलाङघाटमा यात्रुबाहक बस दुर्घटना हुँदा ६ जना घाईते भएका छन् ।

नेपालगन्जबाट काठमाडौ आउदै गरेको ना ६ ख ४०५ नम्बरको यात्रुबाहक बस शुक्रवार बिहान, सलाङघाटमा दुर्घटना हुँदा बसमा सवार ६ जना घाईते भएको प्रहरीले जनाएको छ । प्रहरीका अनुसार बस अनियन्त्रित भइ सडक छेउमा पल्टीएको हो ।

दुर्घटनामा परी घाईते भएका मध्ये ४ जनाको मलेखु स्थीत राजमार्ग सामुदायिक अस्पतालमा उपचार भैरहेको छ । त्यस्तै गम्भिर घाईते भएका दूईजनालाई भने काठमाडौं पठाईएको ईलाका प्रहरी कार्यालय गजुरीका डिएस्पी भावेश रिमालले जानकारी दिए ।