प्रचण्ड भेट्न बालुवाटार पुगे रवि लामिछाने

काठमाडौं – राष्ट्रिय स्वतन्त्र पार्टीका सभापति रवि लामिछाने प्रधानमन्त्री पुष्पकमल दाहाल ‘प्रचण्ड’ लाई भेट्न बालुवाटार पुगेका छन् ।

पूर्व गृहमन्त्री समेत रहेका लामिछाने मंगलबार बिहान प्रधानमन्त्री निवास पुगेका हुन् । सर्वोच्च अदालतले नागरिकता अवैध घोषणा गरेसंगै गृहमन्त्री पद गुमाएका लामिछाने पुनः सोही पदमा फर्कनका लागि दौडधुपमा छन् । पार्टीले पनि आधिकारिकरुपमा गृहमन्त्री फेरि रास्वपाले नै पाउनुपर्ने दाबी गर्दै आएको छ ।

यता, राहदानी दुरुपयोगको विषय अनुसन्धानमा नै रहेको बेला लामिछानेले तालुकदार मन्त्रालयमा फर्कन आशक्ति देखाएको भन्दै आलोचनासमेत भइरहेको छ ।