प्रहरी हुँ भन्दै ठगी गर्ने एक व्यक्ति पक्राउ

लमजुङ – प्रहरी हुँ भन्दै ठगी गर्ने एक व्यक्ति पक्राउ परेका छन् ।

जिल्ला प्रहरी कार्यालय लमजुङको विशेष टोलीले मस्र्याङदी गाँउपालिका –  १ घनपोखराका ३५ वर्षीय जीवन गुरुङलाई पक्राउ गरेको हो ।आफू प्रहरी भएको र विभिन्न स्थानमा जागिर लगादिने, प्रहरीमा परेका केशहरु मिलाईदिने भनी ठगी गर्दै हिँडेका गुरुङलाई जिल्ला प्रहरी कार्यालय लमजुङको प्रहरी टोली यही माघ १० गते पोखराबाट पक्राउ गरेको हो ।

बेसीशहरमा डेरा गरी वस्ने गुरुङ विभिन्न महिलाहरुसँग रु ७ लाख १७ हजार पाच सय लिएर सम्पर्कविहिन भएका थिए । उनले जिल्ला प्रशासन कार्यालय, हुलाक कार्यालय र कृषि ज्ञान केन्द्रमा जागिर लगाइदिने र म प्रहरी हुँ प्रहरीमा भएको केशहरु समेत मिलाईदिन्छु भन्दै विभिन्न व्यक्तिहरुलाई ठगी गरेका थिए ।

गुरुङविरुद्ध प्रहरीमा उजुरी परेपछि लमजुङको प्रहरी टोलीले पोखरामा लुकिछिपि बसेको अवस्थामा प्रक्राउ गरेको लमजुङका प्रहरी प्रमुख प्रहरी नायव उपरीक्षक प्रकाश श्रीमलले बताए ।

निज गुरुङलाई जिल्ला अदालत लमजुङबाट ठगीसम्बन्धी कसुरमा पाँच दिनको म्याद थप गरी अनुसन्धान थालिएको जिल्ला प्रहरी कार्यालयका सूचना अधिकारी प्रहरी निरक्षक जगदिश रेग्मीले जानकारी दिए ।