गृहमन्त्रीको नागरिकता विवाद : निवेदकको तर्फबाट बहस सकियो

काठमाडौं – सर्वोच्च अदालतमा उपप्रधान एवं गृहमन्त्री रवि लामिछानेको नागरिकता विवादसम्बन्धी मुद्दामा निवेदकहरुको तर्फबाट बहस सकिएको छ ।

कामु प्रधानन्यायाधीश हरिकृष्ण कार्की, न्यायाधीश विश्वम्भरप्रसाद श्रेष्ठ, ईश्वरप्रसाद खतिवडा, डा.आनन्दमोहन भट्टराई, अनिल कुमार सिन्हाको इजलासमा निवेदकको तर्फबाट चिया ब्रेकअघि ५ जना अधिवक्ताले बहस गरेका थिए । जसमा अधिवक्ताहरु रविराज बसौला, रमन कर्ण, डा.सुरेन्द्र भण्डारी, अमृत खरेल, नीतिका ढुंगाना रहेका थिए ।

इजलास बस्नुअघि नै निवेदक र रवि लामिछानेको तर्फबाट डेढ – डेढ घण्टाको बहस गर्ने सहमति भएको थियो । जसअनुसार पहिलो डेढ घण्टामा निवेदककोतर्फबाट ५ जना अधिवक्ताले बहस गरेका हुन् । बहसमा रिट निवेदकको तर्फका अधिवक्ताहरुले नागरिक ऐनअनुसार रविले नागरिकता पुनः प्राप्तिमा राज्यले निर्णय लिनुर्ने जिकिर गरेका छन् । उनिहरुले राज्यको सहमति र स्वीकृति बिना नागरिकता पुनः प्राप्ति हुन नसक्ने भन्दै राज्यबाहेक अन्यत्रबाट नागरिकता जारी हुनसमेत नसक्ने जिकिर गरे ।

उनिहरुले रवि लामिछानेको व्यक्तिगत निर्णयले नागरिकता सक्रिय नहुने स्पष्ट गर्दै ‘पुनः प्राप्ति हुँदा पनि जारी नै हुनुपर्ने बताए । रवि लामिछानेको रगत नेपाली भएपनि तर सरकारी अधिकारीकहाँ गएर सहीछाप हुनैपर्ने उनिहरुको तर्क छ ।

गृहमन्त्री लामिछानेको नागरिकता विवाद : सर्वोच्चमा सुनुवाइ सुरु , मन्त्री र सांसद पद जाने सम्भावना कति ?