सभामुख बारे छलफल गर्न काँग्रेस पदाधिकारी बैठक बस्दै

काठमाडौं – सभामुखको निर्वाचन तयारीको विषयमा छलफल गर्न नेपाली काँग्रेसको पदाधिकारी बैठक बसेको छ ।

पार्टी सभापति शेरबहादुर देउवाको निवास धुम्बाराहीमा केहिबेरअघीस्देखी बैठक शुरु भएको हो। आज (बुधबार) को बैठकमा सभामुखको उम्मेदवार कसलाई उठाउने भन्ने विषयमा छलफल हुनेछ।

संसदमा आज सभामुख मनोनयन दर्ता गर्ने कार्यसूची रहेको छ। यद्धपी काँग्रेसले सभामुखको उम्मेदवार भने बनाइसकेको छैन। पार्टीले उम्मेदवारी नदिएको खण्डमा पनि कसलाई समर्थन गर्ने भन्ने बारेमा छलफल हुने एक नेताले बताए ।