वाम एकताको लागि भुसालको नेतृत्वमा कार्यदल गठन

काठमाडौं – नेकपा एकीकृत समाजवादीले महासचिव बेदुराम भुसालको नेतृत्वमा वाम एकताको लागि कार्यदल गठन गरेको छ ।

बिहीबार (आज) पार्टी केन्द्रीय कार्यालयमा बसेको सचिवालय बैठकले वाम एकताका लागि पहल र अगुवाई गर्न भुसालको नेतृत्वमा कार्यदल गठन गरेको जनाएको छ ।

महासचिव भुसाल नेतृत्वमा रहेको कार्यदलमा गंगालाल तुलाधर, प्रकाश ज्वाला र विजय पौडेल रहेको प्रवक्ता जगन्नाथ खतिवडाले जानकारी दिए ।