प्रचण्डलाई नयाँ प्रधानमन्त्रीमा आजै नियुक्त गर्ने राष्ट्रपति कार्यालयको तयारी

काठमाडौं – राष्ट्रपति कार्यालयले नयाँ प्रधानमन्त्रीमा नेकपा माओवादी केन्द्रका अध्यक्ष पुष्पकमल दाहाल प्रचण्डलाई आजै नियुक्त गर्ने तयारी गरेको छ ।

राष्ट्रपतिले प्रधानमन्त्रीका लागि सात दिनभित्र दावी पेस गर्न दिएको समयसीमा भित्रै ‘प्रचण्ड’ ले दावी पेस गरेका थिए । प्रचण्डले १६९ सांसदसहित राष्ट्रपति कार्यालयमा दावी पेस गरेपछि प्रक्रिया पुर्याएर आइतबारै नयाँ प्रधानमन्त्रीमा प्रचण्डलाई नियुक्ति गर्न लागिएको शीतल निवास स्रोतले जनाएको छ ।

दावी पेस भैसकेकाले आजै प्रक्रिया पुर्याएर प्रधानमन्त्री नियुक्त गर्ने गरी तयारी भइरहेको समेत कार्यालयले जानकारी दिएको छ ।