हँसिलो मुद्रामा बालकोट बैठकबाट निस्किए अशोक राई

काठमाडौं – जनता समाजवादी पार्टी जसपाका वरिष्ठ नेता अशोक राई बालकोट बैठकबाट निस्किएका छन् ।

ओली निवाश बालकोटमा जारी चार दलिय बैठकबाट राई हँसिलो मुद्रामा बाहिर निस्किएका हुन् । उनले पार्टीमा छलफल गर्ने भन्दै बाहिरिएका हुन् । पत्रकारहरुसँग कुरा गर्दै उनले भने, ‘म छलफल गर्न हिँडेको । हाम्रो संसदीय दलको नेता पनि नछानिएकाले पार्टीमा छलफल गर्नुपर्छ ।’

राईले, बैठकमा सरकार निर्माणको विषयमा छलफल भएको र बालकोट बैठकमा सहभागी दलकै गठबन्धन बन्नेजस्तो देखिएको बताए ।

बालकोट बैठकमा नेकपा एमाले, नेकपा माओवादी केन्द्र, राष्ट्रिय स्वतन्त्र पार्टी र जनता समाजवादी पार्टीका नेताहरु सहभागी छन् ।