प्रचण्डभन्दा पहिले बालकोट पुगे राजेन्द्र लिङ्देन

काठमाडौं – नेकपा एमाले अध्यक्ष केपी शर्मा ओली र राप्रपा अध्यक्ष राजेन्द्र लिङ्देनबीच भेटवार्ता भएको छ ।

आईतबार मध्यान्न भएको भेटमा पछिल्लो राजनीतिक परिस्थितिबारे ओली र लिङ्देनबीच छलफल भएको हो । सरकारको नेतृत्व र शक्ति बाँडफाँटका विषयमा कुरा नमिल्दा सत्ता गठबन्धन संकटमा परेको बेला ओलीले रणनीतिक वार्तालाई अघि बढाएका छन् ।

उनले रास्वपा र माओवादी अध्यक्ष प्रचण्डसँग पनि संवाद अघि बढाएका छन् । ओलीले प्रचण्डलाई प्रधानमन्त्री पद दिने वचन दिइसकेको विवरण सार्वजनिक भइरहेको छ ।