अन्ततः माओवादी केन्द्र पुग्यो एमालेको शरणमा

काठमाडौं – नेपाली कांग्रेसले राष्ट्रपति र प्रधानमन्त्री पद छाड्न नसकिने अडान लिएपछि नेकपा माओवादी केन्द्र नेकपा एमालेको शरणमा पुगेको छ ।

सरकारको नेतृत्व कसले गर्ने भन्ने विषयमा बालुवाटारमा चलेको गठबन्धनको बैठकमा राष्ट्रपति र प्रधानमन्त्री दुवै पदमा कांग्रेस आँफैले दावी गरेपछी माओवादी केन्द्रका नेताहरुले एमाले सँग संवाद सुरु गरेका छन् । वरिष्ठ उपाध्यक्ष नारायणकाजी श्रेष्ठ, महासचिव देव गुरुङलगायतका नेताले एमाले नेताहरुसँग संवाद सुरु गरेका छन् । एक पदाधिकारी भन्छन्, ‘राष्ट्रपति र प्रधानमन्त्री दुबै नछाड्ने कांग्रेसको अडानपछि गठबन्धन संकटमा देखिएको छ, त्यसैले एमालेसँग पनि संवाद सुरु गरेका हौं ।’

माओवादीका नेताहरुले एमालेका दोस्रो तहका नेताहरुसँग संवाद गरिरहेका छन् । उनीहरु प्रचण्डलाई प्रधानमन्त्री पद दिएर अन्य पद बाँडफाँट गर्ने गरी सहमति गर्न तयार देखिएका माओवादी स्रोत बताउँछ । तर दुई अध्यक्षको स्तरमा कुराकानी नभएकाले यो प्रक्रियाले पूर्णता पाउँछ कि पाउँदैन अहिले नै टुंगो छैन । माओवादी स्रोतले बतायो ।