बालुवाटारमा बैठक चलिरहँदा किन बाहिरिए प्रचण्ड ?

काठमाडौं – नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ प्रधानमन्त्रीको सरकारी निवास बालुवाटारबाट बाहिरिएका छन् ।

सत्तारुढ दलहरुबीच नयाँ सरकार गठनका लागि बैठक चलिरहेका बेला प्रचण्ड बाहिरिएका हुन् । शक्ति बाँडफाँटको विषयमा सत्ता गठबन्धनमा कुरा नमिलेपछि प्रचण्ड बालुवाटारबाट बाहिरिएको बुझिएको छ ।

प्रधानमन्त्री निवास बालुवाटारको बैठकमा नेपाली कांग्रेसले राष्ट्रपति र प्रधानमन्त्री दुवै पदमा दावी गर्दै आएको छ । बैठकमा कांग्रेसले पुनः दुवै पद छाड्न नसक्ने अडान लिएपछि प्रचण्ड त्यहाँबाट बाहिरिएका हुन् । उता प्रचण्डका स्वकीय सचिव रमेश मल्लले भने बैठकमा कुनै पनि सहमति नभएको बताए । ‘छलफल जारी छ । तर सहमति भएको छैन’ उनले भने ।