धादिङ – १ : चार स्थानिय तहको मतगणना सकिँदा कसको मत कति ?

धादिङ – प्रतिनिधीसभा धादिङ क्षेत्र नं.१ अन्तरगतका चार स्थानिय तहको मतगणना सकिएको छ ।

हालसम्म धुनिवेशी नगरपालिका सहित थाक्रे, गल्छि र गजुरी गाँउपालिकाको मतगणना सकिएको मुख्य निर्वाचन अधिकृतको कार्यालयले जनाएको छ । उक्त चार स्थानिय तहको मतगणना सम्पन्न हुँदा एकिकृत समाजवादीका उम्मेदवार राजेन्द्रप्रसाद पाण्डेले ३ हजार ९५० मतले अग्रता कायम गरेका छन् ।

पाण्डेले हालसम्म २३ हजार ७२ मत प्राप्त गरेका छन् भने एमालेका भुमि त्रिपाठीले १९ हजार १२२ मत प्राप्त गरेका छन् ।

त्यस्तै राष्ट्रिय स्वतन्त्र पार्टीका हिमेश पन्तले ९ हजार ८६६ मत प्राप्त गरेको मुख्य निर्वाचन अधिकृतको कार्यालय गल्छीले जनाएको छ ।