एमालेको गढ मानियको थाक्रेमा पनि राजेन्द्र पाण्डेको अग्रता

धादिङ – नेकपा एमालेको गढ मानियको धादिङको थाँक्रेमा पनि नेकपा एकिकृत समाजवादीका राजेन्द्रप्रसाद पाण्डेले अग्रता कायम गरेका छन् ।

थाक्रे गाउँपालिकाको वडा नम्बर १, २,५,९ र ११ को मतगणना गर्दा पाण्डेले ३ हजार ९३ मतसहित अग्रता कायम गरेका छन् भने एमालेका भुमि त्रिपाठीले २ हजार ९१७ मत ल्याएका छन् । यस्तै राष्ट्रिय स्वतन्त्र पार्टीका हिमेश पन्तले ९५६ मत प्राप्त गरेका छन् । अन्य साना दल तथा स्वतन्त्र उम्मेदवारले ३०० मत लेराएका छन् भने करिव २१८ मत बदर भएको मुख्य निर्वाचन अधिकृतको कार्यालय गल्छीले जनाएको छ ।

थाँक्रेको पाँच वडाको मतसहित अहिले सम्म राजेन्द्र पाण्डेले ८ हजार ४६४ , भुमि त्रिपाठीले ८ हजार १०५ र स्वतन्त्र पार्टीका हिमेश पन्तले २ हजार ५२१ मत प्राप्त गरेका छन् । तथ्यांक अनुसार त्रिपाठी भन्दा पाण्डे ३५९ मतले अगाडी छन् । यसअघि गल्छिको मतगणनामा पाण्डे १८३ मतान्तरले अगाडी थिए ।