धादिङ १ अपडेट : पहिलो चरणमा २ वडा गणना गर्दा पाण्डे अगाडी

धादिङ – धादिङ क्षेत्र नं. १ मा पहिलो चरणमा २ वडाको मतगणना गर्दा राजेन्द्रप्रसाद पाण्डेले अग्रता लिएका छन् ।

सोमबार दिँउसोबाट पहिलो चरणमा गल्छी गाँउपालिकाको २ र ५ नं. वडाको मतगणना गर्दा पाण्डेले निरन्तर अग्रता कायम गरेका हुन् । दुई वडाको मतदानस्थलको गरी ३ हजार ३३८ मतको गणना गर्दा पाण्डेले ६५ मतसहित अग्रता कायम गरेका हुन् । पाण्डेले १ हजार ५१० मत ल्याँउदा एमालेका भुमिप्रसाद त्रिपाठीले १ हजार ४४५ मत प्राप्त गरेका छन् । त्यस्तै राष्ट्रिय स्वतन्त्र पार्टीका हिमेश पन्तले २०७ मत पाएका छन् ।

आज गणना गरिएको वडामध्ये गल्छी २ मा गत स्थानिय तहको निर्वाचनमा नेकपा एमाले र वडा नं.५ मा सत्तागठबन्धन दलका तर्फबाट नेकपा माओवादी केन्द्र विजयी भएको थियो ।

धादिङमा सत्ता गठबन्धनका उम्मेदवारहरुको अग्रता कायमै