दुर्घटनाका घाईते भारतीय युट्युबर प्रभाज्वतको प्रहरी निगरानीमा उपचार हुँदै

काठमाडौं – धादिङमा मोटरसाइकल दुर्घटनामा परि घाईते भएका भारतीय युट्युबर प्रभाज्वत सिंह प्रहरी निगरानीमा उपचार हुँदै छ ।

मंगलवार साँझ पृथ्वी राजमार्गस्थीत् धादिङको गजुरीमा मोटरसाइकल दुर्घटना गराएका भारतीय युट्युबर प्रभाज्वतलाई थप उपचारका लागि काठमाडौं ल्याइएको र उनलाई धापासी स्थित ग्राण्डी अस्पतालमा प्रहरीको निगरानीमा उनको उपचार भइरहेको प्रहरीले जनाएको छ ।

हिजो मंगलवार साँझ चितवनबाट काठमाडौंतर्फ आउँदै गरेका सिंह सवार MH-1-CW 5971 को भारतीय नम्बर प्लेटको मोटरसाइकलले ठक्कर दिँदा धादिङको गजुरी बजारमा गजुरी गाउँपालिका -१ स्थित नयाँबारी बस्ने ७९ वर्षका सुर बहादुर धितालको मृत्यु भएको थियो । धिताललाई स्थानिय अस्पतालमा आकस्मिक उपचार गरी थप उपचारका लागी काठमाडौं लैजाँदै गर्दा बाटैमा मृत्यु भएको थियो ।

दुर्घटनामा पैदल यात्रीको मृत्यु भएपछी प्रहरीले जट्ट प्रभाज्वतलाई सवारी ज्यान मुद्दा चलाउने भएको जिल्ला प्रहरी कार्यालय धादिङका प्रवक्ता ९डिएसपी० श्याम खत्रीले जानकारी दिए । खत्रीका अनुसार जट्ट प्रभाज्वतलाई उपचार सकिएपछि सवारी ज्यान मुद्दामा अनुसन्धान गरिने छ ।