युनाइटेड बेभरेजको जुस उद्योगमा आगलागी

चितवन – पूर्वी चितवनको रत्ननगर नगरपालिका – १० मा रहेको युनाइटेड बेभरेज कम्पनीको पल्पी जुस उद्योगमा आगलागी भएको छ ।

आज शुक्रावार बिहान ४ बजेदेखि लागेको आगो अझै नियन्त्रणमा आएको छैन । आगो निभाउन खैरहनी नगरपालिकाका दुई र भरतपुरको एउटा दमकल तथा एउटा डोजर प्रयोग गरिएको छ ।

आगो निभाउन तिन दमकल प्रयोग भएपनि उद्योगमा राखिएका ड्रम र कार्टुनमा अहिलेपनि आगलागी भइरहेको छ । विद्युत सर्ट भएर आगलागी भएको हुनसक्ने अनुमान गरिएको छ ।